تجربه عاطفيه .. ايه رأيك ؟

السلام عليكم اولا انا ممكن تكون مشكلتى بسيطة الحمد لله بالنسبة لغيرى بس انا بحكيهالكم من باب الفضفضة وياريت لو حد مر بنفس التجربة يفيدنى انا مخطوبة بقالى 3 سنين وكنت مرتبطة بيه 4 سنين قبل الخطوبة اكيد كان نصهم خناقات بس كنا بنرجع نتكلم تانى وننسى اللى فات ومرت علينا خناقات بعدد شعر راسى بس الحمد لله كنا بنعديها كلها ووقفت جمبه لغاية لما خلص الكليه والجيش رغم انى كنت سبقاة فى الدراسة عشان هو كان محول من كليه تانيه هو بيحبنى جدا الحمد لله رغم انى مكنتش بحبة فى الاول ربع الحب اللى كان بيحبهولى بس فعلا هو خلانى احبه جدااا بطريقته واسلوبه وانا هو راجل بجد ممكن ميكنش الماديات حاليا كويسة بس انا عندى امل فى ربنا انه يكرمنا عشان نتجوز انا مشكلتى بقى انى شخصيىة عنيدة جدا لابعد الحدود ومسيطرة اوووى وبحس انى صح علطول الحمد لله بشهادة ناس كتير انى جدعة وبنت بميت راجل وده ممكن سبب مخلينى اقتنع اكتر انى صح بس انا من جوايا ببقى مدايقة وانا بحاول اسيطر واتحكم فى اللى قدامى انا برج الحمل وهى ديه صفاته فعلا بس نفسى اتخلص من الصفات ديه لانها بتسببلى مشاكل كتير مع خطيبى ببقى نفسى الكلمه اللى اقولها ينفذها من غير نقاش مع ان انا عارفة ان مفيش راجل هيقبل على نفسه كده بس المشكله ان الكلام اللى بقولهوله ده بيكون هو الصح ولما بيعمل عكسه بيرجع يقولى انتى كنتى صح انا بقى مش عارفة ولا ابطل اتحكم واسيطر ولا حتى اوصلة المعلومه بطريقة كويسة عشان يتقبلها ياريت تدونى ارائكم..