فيه حاجه اسمها قسمه ونصيب وهما لو ليهم نصيب فى بعض محدش يقدر يفرقهم

ألسلام عليكم
انا طالب فى اخر سنه فى الكليه 21 سنه من حوالى 5 شهور اعجبت ببنت وحبتها جدا هيا اصغر منى بسنه وفى نفس كليتى (كليه قمه) مليش اى تجارب سابقه
وكنت حاطط فى اعتبارى ان اللى هحبها هتقدملها واتجوزها وتكون هيا اول واحده فى حياتى انا مليش فى اللف والدوران
المهم خلتها ماشيه هيا وصاحبتها ووقفتها روحت قولتلها انى معجب بيها وانى هتقدملها بس لما اخلص كليه وهيا كانت مكسوفه جدا
اول لما قولتها قالتلى انا مليش فى الكلام ده قولتلها طيب اسمعينى للاخر
وفضلت واقفه تسمع ومتكلمتش خالص (هيا محترمه جدا وملهاش فى اى كلام من اى نوع)قولتلها فكرى
وهاخد منك الرد لظروف ما ماقدرتش اقابلها تانى لاننا كنا فى فتره الاجازه بعدها بيوم قولت اكلمها على الفيس مردتش عليا
كلمت واحد صاحبى عارف صاحبتها اللى كانت واقفه معاها قولته يشوف ايه
اللى حصل قالى صاحبتها قالت انها خايفه جدا وملهاش فى الكلام ده خالص وهيا خايفه تفتح الرساله تقراها
المهم فجاءه لقيت البنت دخلت تقولى ازاى تكلم حد عنى وتعملى سمعه
وهزقتنى بمعنى اصح وعملتلى بلوك بعديها بفتره كلمتها بشكل غير مباشر عن طريق الاسك
قولتلها لو واحد معجب بواحد وكلمها وهيا صدته بمعنى اصح عرفتها ان انا يعنى اللى بسال قولتها يبعد
عنها ولا يحاول تانى قالتلى يبعد عنها لحد ما يبقى قد المسؤليه بنات الناس مش لعبه قولتلها هو كان عايزها تستناه لحد لما يخلص كليه قالتلى مفيش حاجه اسمها تستناه
فيه حاجه اسمها قسمه ونصيب وهما لو ليهم نصيب فى بعض محدش يقدر يفرقهم عن بعض وقفلت الاكونت بتاع الاسك بتاعها
المهم بعديها ب شهرين بدانا الكليه ومقدرتش اسكت بردو قولت يمكن عايزانى اخش البيت من بابه
روحت قولت لاهلى رحبو جدا لانهم عارفين انا مليش فى اللوع والكلام الفاضى خالص وحسو انى بحبها بجد
قالولى اسال عليها وهاتلنا بعض المعلومات علشان نسال على اهلها سالت زميلتها اللى كانت معاها عنها قالت انا مش هقدر اقول اى حاجه الا
لما استأذنها راحت قالتلها (ردت عليها وقالتلها قوليه هيا شايفه اخ محترم جدا بس هيا مبتفكرش فى الخطوبه والحاجات دى دلوقتى مش بتفكر غير فى دراستها وبس)انا دلوقتى
مش عارف اعمل ايه هل انا كده مش فى دماغها وفيه حد تانى فى حياتها بس مش قادره تقول ولا هيا زى ما بتقول مبتفكرش فى الحاجات دى دلوقتى
مع العلم ان نظراتها فى الوقت الحالى فى الكليه ساعات بنبص لبعض اوى وساعات اول لما ابصلها تدير وشها
انا مش عارف اكبر دماغى منها ولا احاول تانى ولا استنى لحد لما اخلص واحاول تانى بس خايف اكون بربط نفسى وانا مش فى دماغها

انا مخطوبه من فتره لواحد كنت مرتبطه بيه

يعنى خطوبه عن حب وبعد عناء منه ومجهود انه يوصلى لسنين كتييير يعنى هو صبر واستحمل عشان يوصلى والحمد لله ربنا قدر واتخطبنا. اتقدملى وقابل اهلى ,هو مش من نفس محافظتى وكانت دى العقبه ال مقبلانا ..اهلى اول شرط لما قبلوه بنتنا متعيشش غير فى بلدنا ووافق واهله وافقو رغم ان دى حاجه كانت صعب الموافقه عليها وعنده شقته ف بلده وهيتنازل عنها بردو .المفروض ان خطيبي شغله بره ولما قابل اهلى كان معرفهم م الاول على كل حاجه وهما ساعة الاتفاق قالو خلاص ملهاش لازمه انك تجيب شقه وتفرشها طالما حياتكو هتكون بره ولما ربنا ييسرلكو الامور تجيبو شقه هنا فى بلدنا المهم الموضوع مشى على هذا المبدأ . من البدايه امى مكنتش حابه خطيبى وده الطبيعى بتاعها وبتاع اهلى على العموم اى عريس يجيي يرفضوه لاى عيب وخلاص بس لما لاقتنى مصممه اضطرت توافق .ابويا كان فرحان جدا ويقول عليه راجل ويتحمل مسؤليه لكن طبعا من تأثير امى بقا رأيه مخالف بالمره ويتلككله على المشاكل .
*يوم الخطوبه المفروض العريس بيطلع يوصل العروسه البيت ويتعشا عندها وده محصلش ,وتتوالا الايام ومبقاش يتكرم فى البيت ولا يتعزم فى المناسبات .
*اهلى اعدوا يتلككو لاهله ورفضوا يكلموهم فى المناسبات او حتى يعزموهم ولما كان اهل خطيبى يتصلو اهلى ميردوش عليهم ويرفضو مقابلتهم.
*ده غير تغيير الاتفاق على موضوع الشقه بعد ما قالو احنا مش عاوزين شقه دلوقتى قالو لا عاوزين شقه وتتفرش قبل ما تسافرو يا كده يا مفيش جواز .خطيبى سعا وكسر فى الارض واشترى شقه بس الاستلام بعد فتره قالو يأجر على ما تستلموها وهى كده كده هتتقفل وتتساب وبعد ما اتفقوا على العفش النص بالنص غيروا وقالو لا احنا هنجيب اوضه واحده وهو يشيل الباقى .
*وده غير معاملتهم الوحشه ليا والضرب والاهانه والبهدله عشان متمسكه بخطيبى وهو متمسك بيا واهله متمسكين بيا جداا رغم كل ال بيحصل .
*وفى النهايه عاوزين يكتبو على خطيبى وصل امانه وتعهد بالاضافه للقايمه والمؤخر عشان يتمو الجوازه وعشان يضمنوا حقى المفروض بعد كل ال عاملينه فيا انا وخطيبى واهل خطيبى من تغيير لاتفاقات كل شويه والمفروض انه كلام رجاله ومبيتغيرش وبعد المعامله السيئه دى وحاليا لا فى ود ولا كلام لا مع خطيبى ولا اهله .
قولولى رأيكو ايه ونصحيتكو ايه ونتصرف ازاى معاهم لاننا بجد تعبنا من ال بيعملوه فينا وخطيبى فى غربته تعبان نفسيا من ال بيحصل وانا خايفه عليه معلش انى طولت عليكم بس ده اخدت القليل من ال بيحصل .

متزوجه من 8 سنين

اتجوزت من تمن سنين هو كان يبدو انه متدين لدرجه أننا فكرت ويوم الخطوبة ماوافقش انه يلبسني الدبله اتخطبنا ٥ شهور زارنا فيهم ٣ مرات وأتجوزنا ويوم الفرح. اكتشفت انه بيسب بالدين وطبعا ألفاظ من أقذر ما يكون االمهم من تالت يوم جواز ابتدأت المشاكل والله ما عارفه ايه السبب لحد دلوءتي وبعد شهر من الجواز سافر بلد عربي وسافر وانا بعدها طلعت حامل طبعا زعل اول ماعرف ورجع عشان يخلص أراقه واكتشفت انه لما سافر عمل علاقه مع بنت عمه واتفق معاها كلمت أبوه ووقف له والموضوع باظ وطبعا مع العلم انه معاه دبلوم وانا معايا بكالوريوس وكل الي يشوفه بالبلدي كده يقولي أنا قلت جوزك هيكون حلو زيك وسافر تاني وطبعا المشاكل مستمره لو رن عليا وكنت في الحمام مثلا الدنيا تتقلب ولو بعت رساله وموصلتش أتبهدل واتشتم. من كتر المشاكل والنكد ولدت في آخر السابع توأم واتوفوا. بعد عشرين يوم وبرضه مشاكل وانا ساكته والله ولا برد عليه ويسوء فيها المهم سافرت له ومكنش عاوز يخلف تاني لانه كان عاوزني اشتغل وياخد فلوسي خالص المهم حملت كان مصمم أننا انزله طبعا قلتله لا اول شهرين في الحمل خصام غير انه من قبل ما احمل ممنوع أنام جنبه وأقوله كده مينفعش يقول مش بعرف أنام جنب حد ينام في الصاله هو كده حتي لو الشقه خمسين اوضه ينام في الصاله وممنوع ادخل حمام وهو نايم أو مطبخ والله ساعات مقدرش أمسك نفسي وادخل يقوم يسب لي ميت دين وانا ساكته مش بتكلم وتعبت جداً خصوصا من موضوع الحمام غير مفيش خروج ممنوع اقعد عالنت ممنوع أكلم الجيران كل حاجه طبيعيه ممنوعة وانا ساكته لأني لوحدي في الغربه أخاف يعمل فيا حاجه وولدت أبني طبعا المشاكل زادت بسبب عياط الولد ضربني ونزلني مصر وأهلي قالولي مترجعيش ورجعت قال أسف ومش هعمل كده تاني وطبعا ديل الكلب أنا فضلت ساكته ست سنين مش برد عليه وبعدين فاض بيا وبدأت ارد عليه ويشتمني ولما رديت عليه بقا يسكت وميردش عليا وبدا انه يدور علي ست خليجية غنيه تكون كبيره في السن ويكون عندها فلوس عشان يتجوزها وتصرف عليه وميشتغلش لانه هو أصلا مش متعود انه يشتغل وأخواته كلهم عاطلين وأبوه كان مسافر وقعد وهو لسه شاب بس عنده فلوس وكل ما اكتشف انه بيكلم واحده أخد رقمها وأكملها وطبعا يبهدل الدنيا وطبعا أهانه وضرب وشتيمته لا ويسب لنا بالدين ويروح المسجد. يصلي هو إنسان معقد من نفسه ومن شكله ومن تعليمه والله عمري ما جبت سيره التعليم أبدا وطبعا ابنه بيترعب منه ولما يبكون في البيت بيسءلني هيمشي امتا المهم هو بيدور علي الست العجوزة الي يتجوزها وانا خلااااااص جبت أخري نزلت مصر وقررت أننا خلاص هسيبه ورفعت طلاق للضرر ونفقه للولد واتحكم لي ب ٣٥٠ جنيه وده عشان معنديش مفردات مرتبه مش عارفه اعمل ايه.

لكل واحد "ضحي للي انتا بتحبه لان الحياه جمالها في مواقفها الصعبه " ...

مش عارف هبتدي ازاي بس انا محتاج اطلع الي جوايا انا موضوعي ابتدا في يناير 2003 كنت شاب زي اي شاب ليا طموحي وكاز سقف طموحي على طول ملوش حدود كان نفسي ابقى اداري كبير واشتغلت اني احقق ده دخلت الكليه في 2004 وبدات من اول يوم بشتغل على حلمي وحطيته قدام عيني وفعلا اتخرجت بتقدير جيد جدا الحمد الله واهلي فرحو ليا جدا اتقدمت لشركة تكنلوجيه كبيره واتوظفت في الادارة كان اول يوم ليا مع اجمل قصة حب قابلتها لما اتعينت في اول يوم دخلة الشركه تايه وقلقان من اول يوم توظيف في حياتي قابلت بنت كانت لسه متوظفه اتكلمنا شويه وقالتلي المدير هنا بيهبدل الناس الجداد كلهم وانا بفكر اسيب الشغل لقتها مخنوقه قعدت اتكلم معاها استحملي طريق الحياه صعب في بدايته وكلنا بنبتدي من الصفر وماضي الالماس فحم قالتلي شكرا ليك واتبسطت بكلامنا سوا لقيت المدير الساعه 8 طالب يقابلني دخلت وفي بالي كلام الناس عنو وكنت خايف اول ما دخلت سلمت عليه وجيت اقعد على الكرسي لقيتو بيقول انتا اتجننت هتقعد معايا قلتله اسف يا فندم قالي اسفك ده عند امك مش هنا قالي بص الشغل هنا خطوط حمرا تلتزم بيها هتكمل والجزمه في بوؤك مش عاجبك امشي وقالي امشي من ادامي دالوقت خرجت مذهول انو في بشر كده قمت وانا في الطريق لمكتبي لقيت البنت الي قابلتها واتكلمنا سوا قبل كده شافتني مخنوق اوي قالتلي اكيد المدير قلتلها اه انا هسيب الشغل ضحكت وقالت امال اه الي الطريق صعب وماضي الالماس فحم فين العزيمه بتاعتك ابتسمت من كلامها ونظرنا لبعض نظرات فرح طلبت منها اخد ايميلها ورقم تلفونها ونبقى اصدقاء بقينا بنتكلم كل يوم وتصحيني للشغل وكنا بنحب بعض اوي بس معترفناش لبعض بحبنا ده في يوم وصلت هيا الشغل متاخر وكان شكلها متبهدله المدير وقفنا جمب بعض وقالها اتاخرتي ليه وبدا يوبخها ادام الكل وقال فين الانتظام والشركه هتفشل لما يبقى عندنا ناس زيها هيا عيطت وانا باكل في نفسي من الي المدير بيعمله قلها بره قدام الكل خرجت منهاره انا ممسكتش نفسي بصيت في المدير قلتلو انتا هتفشل في الشركه وهتفتكرني خرجت وراها ناديت عليها وقفت وقلتلها اهدي تعالي اوصلك رحنا مطعم نتكلم فيه انا وهيا هيا عنيها حمره وبتعيط انا بكلمها لقيت نفسي بعيط ومش واخد بالي هيا وقفت وسط كلامها معايا وقالتلي انتا كمان بتعيط ليه انا مكنتش واخد بالي اصلا اني بعيط لقتها مسكت ايدي وبتقلي انا بحبك يا امير حبيتك اكتر من نفسي والمدير ده خيرني اني اراقبك في الشغل عشان اطلعلك اي غلطه قلتلو ده ضد مبادئي روحت وسهرت طول اليوم بفكر اكلمك ازاي في الموضوع جيت متاخره وانا عارفه اني هنطرد وطردني عشان الموضو ده وانا لازم كنت امشي عشانك انتا انا حسيت اني بشوف ملاك قدامي سعتها مش بشر وقلتلها انا كمان بحبك اوي وكنا بنعيط سوا كانت احلى لحظه في حياتي حسيت انها دنيتي كلها بكل ما فيها بدات عشان اضحكها احكيلها الماضي بتاعي قمت حكتلها اول منزلت الجامعه ولقيت صحابي الي بحبهم ولقيت زياد مرتبني رقم خمسه في حياته وصدمتي مع الموضوع وضحكها عليا قالتلي انتا كنت غلبان اوي وحكتلها على زياد الي كان صحبي وكان بيعمل حجات غريبه وكان بيميل على الحيطه وبيبرق ولما اكتشفت انو ميت من 20 سنه وخوفي دايما اني بحلم بيه وهوا بيغني اعلان سينا كولا قعدت تضحك وتقولي كفايه يا امير هموت حسيت ان كل الدنيا نورت بوجودها معايا .... لكل واحد "ضحي للي انتا بتحبه لان الحياه جمالها في مواقفها الصعبه " ...

مشكلتي غريبه وجديده شويه مش شبه باقي المشاكل

انا شاب عندي 31 سنه ومن زماان كنت بعمل كل حاجه بعقلي وبس يعني كنت عندي 25 سنه وكنت مدير شركه ومتجوز كمان الحمد لله .واكيد كان جوازي بالعقل هوا. كمان اه كان عندي شويه تجارب وعلاقات قبل ما اتجوز بس لما قررت قبل ما اتجوز نهيت كل وقعدت علي الوضع ده كمان لمده سنه بعد الجواز وانا بحاول ابقي محترم وبحاول احب مراتي لاكن للاسف فشلت اني احبها وافضل مخلص ومحترم ورجعت اوسخ من قبل الجواز سالت نفسي كتير انا ليه حالتي انتكست كدا لاقيت اسباب كتير من ضمنها اني معرفتش احب مراتي لاني حسيت عمري كله حيعدي واناعاوز اعمل كل حاجه بعقلي بس مش كل حاجه فيا حتسمع كلامي وكمان مراتي كانت روتينيه وكئيبه اوي ونكديه جدااا .المهم مع الوقت بعد الجواز بقي عندي اعتقاد ان انا اصلاا الي رمرام وان حالي عمره ما حنصلح ومن سنه ونصف قابلت وحده وحبيتها جداا وابتديت انضف علي اديها وبطلت موضوع العلاقات المتعدده الي كنت فيه وابتديت احس بالحب واني بني ادم ومش كل حاجه ممكن اتحكم فيها بعقلي المهم وفي التوقيت ده مراتي عرفت بعلاقتي التانيه وضربت كرسي في الكلوب زي ما بيقولو ابتدت تسيح علي الموضوع علي انه خيانه مع اني صارحتها اني متجوزها وانها زوجتي التانيه وابتديت اشوف من مراتي انتقام عمري ما سمعت عنه في اي فيلم حتي من قله ادب وفرجه الناس وشرشحه المشكله اني مش حقدر اطلقها لاني عندي منها طفلين بحبهم جداا ونفسي اردلها الي عملته معايا ما تتخيلوش حجم الشر الي بقت فيه ومش فهمه حاجه غير الانتقام باوسخ صوره اه هيا ليها حق تزعل علشان اتجوزت عليا بس الي عملته ده كان ميجيش في بال بنادمين .عاوز اردلها الي عملته مغير ما اخسر عيالي خصوصاا انها مؤخراا بقت بتقول لهم ابوكم مات وكلام كده عاوز رايكم .ملاحظه انا عارف اني مش ملاك بس هيا دي الدنيا
مشكلتي غريبه وجديده شويه مش شبه باقي المشاكل انا شاب عندي 31 سنه ومن زماان كنت بعمل كل حاجه بعقلي وبس يعني كنت عندي 25 سنه وكنت مدير شركه ومتجوز كمان الحمد لله .واكيد كان جوازي بالعقل هوا. كمان اه كان عندي شويه تجارب وعلاقات قبل ما اتجوز بس لما قررت قبل ما اتجوز نهيت كل وقعدت علي الوضع ده كمان لمده سنه بعد الجواز وانا بحاول ابقي محترم وبحاول احب مراتي لاكن للاسف فشلت اني احبها وافضل مخلص ومحترم ورجعت اوسخ من قبل الجواز سالت نفسي كتير انا ليه حالتي انتكست كدا لاقيت اسباب كتير من ضمنها اني معرفتش احب مراتي لاني حسيت عمري كله حيعدي واناعاوز اعمل كل حاجه بعقلي بس مش كل حاجه فيا حتسمع كلامي وكمان مراتي كانت روتينيه وكئيبه اوي ونكديه جدااا .المهم مع الوقت بعد الجواز بقي عندي اعتقاد ان انا اصلاا الي رمرام وان حالي عمره ما حنصلح ومن سنه ونصف قابلت وحده وحبيتها جداا وابتديت انضف علي اديها وبطلت موضوع العلاقات المتعدده الي كنت فيه وابتديت احس بالحب واني بني ادم ومش كل حاجه ممكن اتحكم فيها بعقلي المهم وفي التوقيت ده مراتي عرفت بعلاقتي التانيه وضربت كرسي في الكلوب زي ما بيقولو ابتدت تسيح علي الموضوع علي انه خيانه مع اني صارحتها اني متجوزها وانها زوجتي التانيه وابتديت اشوف من مراتي انتقام عمري ما سمعت عنه في اي فيلم حتي من قله ادب وفرجه الناس وشرشحه المشكله اني مش حقدر اطلقها لاني عندي منها طفلين بحبهم جداا ونفسي اردلها الي عملته معايا ما تتخيلوش حجم الشر الي بقت فيه ومش فهمه حاجه غير الانتقام باوسخ صوره اه هيا ليها حق تزعل علشان اتجوزت عليا بس الي عملته ده كان ميجيش في بال بنادمين .عاوز اردلها الي عملته مغير ما اخسر عيالي خصوصاا انها مؤخراا بقت بتقول لهم ابوكم مات وكلام كده عاوز رايكم .ملاحظه انا عارف اني مش ملاك بس هيا دي الدنيا

انا طالبه عندى23 سنه

فكرت كنير اوى قيل ماتجرا و ابعت المشكله و الى هى حقيقى مش مشكله اوى انا مشكلتى انى وحيده اووى برغم كتير الناس اعرف الجامعه كلها زميل بس محدش صحابى مش عارفه اعمل اصدقاء الى هماا اكون معتمده عليهم حتى اخواتى مش عايشين معايا مشكلتى جات انى فجاه اتخدعت فى كل الناس مره واحده صحبتى العشرت عمر الولد الحبتو اكتر من 6سنين وكانا على وشك الخطوبه و اخواتى فجاه سافرو حتى اهلى مش قريبه منهم ولا حتى عرفه احب كل لما تجى الفرصه بسودها حتى بقيت حاسه انى مش هتجوز يقال انى معقده.. بقى عندى ان ناس كلها مش كويسن حتى نفس الاحساس داا لاهلى حاسه ان لو بابا جراله حاجه اخواتى مش هيراعو ربنا فيمعانهم كوبسن اوى معاياا مش واثقه فى حد بحس ان كل بيعرفنى لمصلحه او علشان هبله زى مناس بتقول او طيبه بحس ان كل الناس عايزه تئذنى اناا بحس انى مش وثقه فى اى حد حتى فى نغسى كرهت انى اكون طيبه فعلا عندى صحاب بس مش الى هما مكملين انا حتى بقيت اكره البنات ان يكون عندى صحاب بنات كلهم منفسين من بعض بيغره من بعض ودا الى استنتجتو لما اتعملت معاهم دااا طبعهم وانا بنت وعارفه انا حاسه انى شخصيتى فجاه اتغيرت بقيت رخمه كئيبه ممكن اعيت من اقلل حاجه عصبيه الى اقصى الحدود مش بعرف اتكلم دا زاد انى طالع عليا انى ولد او بمعنى اصح دكر زى ماهلى بيقولو الاول مكنتش بزعل بس الحوار كبير انى بنت الى بميت راجل الجدعنه كلها فعلا مش بعرف اتسهوك ولا اعمل الميصه البنات بتعملها ولا كلام دا حتى لما بشوف بنت كدا و الولد ممكن يقولى بصى اتعلمى مش بقيت عارفه مين الغلط و مين الصح معملتى مع الولد انى ولد ودا كان قرارى او مبدات اتعامل مع الولاد فى الدروس و الجامعه علشان امنع الكلام عنى زى مبسمع الولاد بيتكلمو على البنات قدامى
مشكلتى فى صراع جوايااا من ناس عايزهم معايا و نفس الوقت انا عارفه حقيقتهم انهم مش كويسن حتى لو هما كويسن بكون مش واثقه فيهم حاسه انى حتى مشكلتى مش عارفه اعبر عنها اعمل ايه علشان اتاقلم مع الى انا فى فكرت كنير اروح لدكنور نفسنى كذا مره اعمل ايه علشان ميتقلش عليا الهبله او عليا الولد فنظركو البنت عامله ازاى فهمنونى ولا انطوى من الناس واخلص طيب ازى انطوى من الناس وانا فى الطبع اجتماعيه انا مش عارفه انطوى منهم و نفس الوقت كل الى قولتو فوق دا معايا ا و ياريت بلاش تريقه اظن مش كاتبه حاجه نستحق التريقيه خلاص ..

انا بنت 20 سنه مريت بفترة ادمان 3 شهور

واتعالجت الحمد لله لكن والله العظيم سبب ادمانى ظروف اجبرتنى ع الهروب للطريق دا لكن لما لقيت انى هاخسر نفسى وشرفى قررت الجأ لبابا واحكيله وم تانى يوم قررنا نبدأ العلاج واتعالجت وكان بابا نعم السند ف الوقت اللى ماما رفضت رفض تام زيارتى ف المصحه لولا حلفان بابا عليها بالطلاق لازم تزورنى وهنا رضخت وجات لزيارتى واول مابقيت معاها لوحدنا اول حاجه قالتلهالى والله لو كنتى موتى كان اشرفلنا ولو عندك دم موتى نفسك كرهتها اكتر ماانا كرهها وهى اصلا سبب ادمانى ورجعنا البيت وكل يوم كلام منتهى القسوه وتعايرنى وتقوى انى انا النقطه السودا ف حياتها وحياة اخواتى وبقينا طول الوقت ع كدا هى تقول كلام يسم البدن وم هانكر واقول انى مكنتش برد عليها لا كنت برد عارفه انه غلط لكن هى اللى وصلتنى لكدا انا لو ف يوم نمت زياده ساعتين ع ميعادى كانت بتقولى خفى الجرعه شويه وانا اصلا م باخد اى حاجه وكنت اتعالجت واستمرينا ع الوضع دا مع غياب بابا وانشغاله طول اليوم ف المستشفى او العياده وانا وهى ف خناقات وبقيت طول اليوم نت وف يوم دخلت شات وهناك اتعرفت ع شاب وكان كلامنا عادى وضيفته ع الفيس وكان وقتها ف الجيش وشويه شويه ارتبطت بيه وحبيته وانا اللى صارحته بحبى لانى كنت متأكده انى بيبادلنى نفس المشاعر لكن انا اجرء منه واعترفتله وبقيت بعد الايام ع رجوعه اجازه م الجيش وحكيت لبابا ع الشخص دا وقالى انه عايز يشوفه ورحب الشخص دا اوووووى بمقابلة بابا لكن ماما عرفت وقلبت الدنيا ورفضت الشخص دا نهائيا ولكنى انا استمريت ف الكلام معاه وبقينا نتكلم ف الفون وقررت اعرف اخته بوجودى فابعتلها مسج احكيلها عنى وع ادمانى ورفضتنى وعملتنى بلوك قلت خلاصانا المهم عندى هو واخته هاسيبها للزمن يمكن نتقابل وتغير فكرتها عنى وركزت مع الشخص دا وكل لما نتفق ع وقت تحصل حاجه تلغى الزياره وجاءت الطامه الكبرى موت بابا وقررت اقرب م ماما قلت بمكن تتغير واتغيرت وصارحتها بحبى للشخص دا لقيتها مرحبه بيه اوووى استغربت وكلمته قولتله وانا مبسوطه وووى ولما حددت ميعاد لزيارته فوجئت انها اتصلت باخوها للى جه مسح بكرامتى الارض واخد اللاب والموبايل وماما شالتهم واتلغى الميعاد وحصلتلى ظروف كتير وجه وقت سفرى للدراسه بره مصر وسافرت وماما الاصيله قررت تتجوز تانى مع ان ف رقبتها ولدين وبنت غيرى اتتصدمت فيها اووووى معقول تنسى بابا وتجيبله بديل دا كان معيشها ملكه قرايبى اللى عايشه معاهم اقنعونى انها معملتش شئ غلط اتصلت بيها وكلمتها باسلوب وحش وقفلت فوجئت انها بعتالى تقولى لما تنزلى اجازه متنزليش عندى باعتنى وانا والله ماليش غيرها اهلها بعد ادمانى بيعاملونى انى عار وبعدوا عنى واهل بابا م بيهتموا بأولادهم يعنى الولد او البنت وصل مرحلة الجامعه يبقى خلاص هو مسئول ع نفسه بقيت بطولى ف الدنيا معنديش لااهل ام ولا اهل اب بقى عندى احساسا ويقين انى حد ناقص اوووى بدأت افكر ف الشخص اللى مرتبطه بيه ياترى دا ممكن يتشرف بيا انى ابقى زوجه له قصاد اهله واحده مدمنه ومامتها خلصت العده بأيام اتجوزت واحده لا ليها راجل يوقفلها يكبرها وسط اهله ولا ليها سند والله العظيم انا مفيش حد اتعس منى ف الدنيا دى اه ربنا وهبنى الشكل والمال واسم عيله كبير لكن اللى اخدته منى اكتر بكتير م كل دا بقيت متأكده انى م طبيعيه انى حد مريض نفسى بقيت اخاف م اى حاجه وكل حاجه حتى لو الشئ دا ميخوفش يعنى اقل حركه جنبى ولو متوقعه بتخوفنى اقل مثل لو حد جنبى مسك ملعقه وبيقلب شاى او غيره بيبقى متوقع هاتجيب صوت لكن انا ضربات قلبى بتزيد اوووى بحس قلبى هايقف كل دا خلانى اقرر ابعد ع الشخص دا حرام يرتبط بواحده زيى انا مريضه نفسيا صاحبة سابقة ادمان بنت منبوذه من اقرب ماليها م امها بنت ملهاش راجل يكبرها قصاده وقصاد اهله انا عايزه الفانز هنا ينصحوه يبعد عنى وانى الشخص الغلط وانه لو بيحبنى اووووى كل دا هاينتهى لما يفوق ع الخقيقه ويتأكد انه غلط لما وافق ع الارتباط بمدمنه وهو م الفانز وقارئ لكل المشاكل

مش قارده اسيبه انا بعشقه ......مش عارفه اتصرف

انا بحب واحد بقالي 3 سنين والمفروض هو كمان بيحبني هو بيقول كده بس هو وراني القهر كله من يوم ماعرفته عرفت انه كان بيحب واحده وكان لسه بيكلمها بعد ماكلمني ب3 شهور وانا معرفش احسبه بيحبني انا بس بعد كده انا اكتشفت ولما واجهته قالي انا بكلمها كده عشان مش عارف اجرحها واسيبها عشان هو بقالو معاها سنتين قبلي
وبعد كده انا وهي عرفنا الحكايه وكلمنا بعض المهم هي حاليا متزوجه وانا مقدرتش ابعد عنه هو لما انا عرفت قولتله متكلمنيش وهو فلا مكلمنيش ولا قالي لا ولا اتحايل عليا ولا فكر يصالحني بس انا مقدرتش ابعد عنه كلمته انا وقولتله مش قادره اسيبك طبعا هو مكنش مصدق نفسه لانه خاني وكنت اقعداعيط ف التليفون وهو يضحك ع فيلم ويضحك مع اهله ويقولي متكلمنيش تاني لو سمحتي ويعاملتي باستهزاء جامد وانا اقعد اتحايل عليه من حبي فيه
بعد كده لما يزهق يرضي يصالحني يقولي انا بحب بس كنت بعاقبك عشان متغلطيش تاني انا كنت بحس انه نفسه يسيبني بعد كده فضلنا كتير ع كده يهزقني ويخاصمني بكذا يوم ويشتمني وانا اتحايل عليه ومن كتر الجفا زهقت واتعودت بس مكنتش بقدر ابعد عنه
هو عائلته كلها عارفاني وعائلتي كلها عرفته الا بابا لانه متقدمليش لحد الان بقعد اتحاااايل عليا عشان يتقدملي وهو يقولي مش بايدي عشان الجيش مع ان اقاربه خاطبين عيالي عمتي ومعندهمش لا شقه ولا شغله بس بيحبوهم بجد وانا متقدمليش لحد دلوقت وهو عنده شقه وف جيش
دلوقت هو شكاك جداااا وعمال يقولي انتي بترودي علي ولاد وانا والله بحافظ عليه اكتر من نفسي وبحطه قدام عيني طول الوقت
شتمني وقالي انتي كدابه وخاينه وممكن بسهوله تكلمي اي حد انا زهقت وتعبت ومستحملي بقالي 3 سنين وبحافظ عليه وه اصلا بعيد عني ومش مراعي كل دا
نفسي انسي واسيبه عشان عارفه انها هتبقي بالطريقه دي حوازة فاشله كلها شك وغيره
مع العلم انه حنين عليا جدا وبيعاملني مراته مش حبيبته وبس ووقت ما يكون كويس بيبي احن انسان ف الدنيا ولو طال يجيبلي نجمه من السما
بس برده معني كده انه ممكن لو اي حد قاله عني اي كلمه يصدقها لانه مش واثق فيا
وانا مش قارده اسيبه انا بعشقه ......مش عارفه اتصرف

الحب من اول نظره

انا من الناس المؤمنين اوى من الحب من اول نظرة و ده اللى حصل معايا بمجرد دخولى الكلية حبيت بنت من غير حتى ما اعرف اسمها بمجرد ما شفتها فى السكشن حاولت كتير اقرب منها او اتعرف عليها لكن فشلت مكنتش بقدر اتكلم قدامها مع انى مع اى بنت غيرها كان الموضوع بالنسبة لى عادى فضلنا اول سنتين على الحال ده نظرات من بعيد لبعيد كنت فى اوقات كتير بتخيل ان هى بتبادلنى نفس الشعور او جايز عشان كنت بحبها اوى.. مش عارف ...المهم فى تالت سنة ليا فى الكلية قدرت اتعرف عليها و اعجابى و حبى ليها زاد اكتر لما عرفتها و عدت السنة التالتة و قررت فى السنة الرابعة انى اعترفلها بمشاعرى طبعا قبل ما اروح و اقلها حاولت كتير معملش كدة كان جوايا صراع نفسى رهيب لكن فى النهاية خدت قرار انى هروح و اصارحها بمشاعرى و اللى يحصل يحصل بصراحة كنت عايز اخلص و اعرف حقيقة مشاعرها ناحيتى لانى مكنتش قادر احكم عليها و لا على مشاعرها ناحيتى و فى نفس الوقت كنت بفكر فيها كتير جدا لدرجة انى مكنتش قادر اركز فى مذاكرتى و كنت على وشك السقوط و الكلام ده كان فى الترم الاول المهم قلتلها و كان ردها مؤدب جدا و كان بالرفض . محاولتش اعرف هى رفضتنى ليه و اتفقنا ان الموضوع ده مياثرش على علاقتنا و نفضل اصحاب بس انا مقدرتش حاولت كتير انى اتعامل عادى و لا كان حاجة حصلت بس معرفتش كنت بين نارين مش قادر ابعد عنها و فى نفس الوقت مش قادر اكون معاها زى الاول و طبعا مش قادر اركز فى اى حاجة و خصوصا فى دراستى عدا الترم الاول و فى الاجازة خدت قرار انا بعتبره كان صح لان بصراحة مكنش عندى بديل و لانى عارف نفسى كويس و كنت عايز انجح و اتخرج و كان القرار هو انى الترم التانى كله مبكلمهاش و بهرب من اى مكان ممكن يجمعنا سوا مركز جدا فى دراستى و مش بحاول ادى لنفسى اى فرصة او حيز انى افكر فيها و عدا الترم التانى من غير ما اكلمها او اقلها انا ليه عملت كدة و نجحت و اتخرجت بتقدير كمان و سافرت و نسيت الموضوع لانى مكنش عندى وقت خالص و كنت مركز فى شغلى اوى و مكنتش بفكر فى الارتباط نهائيا بعد الموضوع ده و بدات الحاجة تدورلى على عروسة و المشكلة انى مش مقتنع بجواز الصالونات و لا كان حلمى اتجوز بالطريقة دى و من كام يوم لقيت البنت اللى كنت بحبها على الفيسبوك بالصدفة لما شفتها اتاثرت جدا و رجعلى الحنين ليها تانى فكرت اكلمها او اضيفها عندى بس كنت بتردد فى كل مرة افكر اعمل كدة خصوصا انى حاسس انها مش هتنسى الفترة اللى كنت مبكلمهاش فيها و اد ايه انا كنت قليل الذوق معاها ..تفتكروا اخد الخطوة دى و اكلمها و لا بلاش و انساها خصوصا انى دايما بقول لنفسى ايه اللى اتغير يعنى يخليها توافق دلوقتى على الارتباط بيا و هى رفضتنى زمان .

مشكلتي هي أني مصريه

آه والله مشكلتي أني مش حاسه بالأمان في البلد ديه
أنا بنت عندي عشربن سنه في كليه قمه وعيلتي محافظه أوي وأنا الحمد الله متدينه بطبعي لبسي محترم جدا يعني مش بيبان مني حاجه محافظه ع قلبي جدا بالرغم ان ده ثعب جدا في الزمن ده عمرري في حياتي مكلمت ولد بأي شكل الحمد لله بس للأسف مش عارفه أعيش في البلد ديه مش عارفه أعيش في بلد شبابها بيحاولوا يضايقوا بناتها في المواصلات والزحمه بجد حاجه تقرررف حررام عليكم بجد الواحد يعمل في نفسه ايه يعني انتوا كده بتدمرواا بنات والله بتعقدوهم من الجواز اصلا ده أنا لما بعد في مشروع وشاب يبيحاول انه يبعد عني بدعيلله في سري وكأن ده مش الطبيعي مع العلم اني مش بنزل غير بدوسيه عشان احطه جنبي عايزه بس اقول لكل واحد بيعمل كده حسبي الله ونعم الوكيل وكما تدين تدان
أنا كرهت البلد بسبب الافكار اللي فيها المحترمه بقت معقده واللي مش بتكلم ولاد بقت مش متحضرره واللي مش بتلبس ع الموضه بقت زوقها يع
المحترمين ملهمش مكان في البلد ديه
لما دوك في الكليه يضطهدني عشان بس انا منقبه ويحرجني قدام زمايللي يببى ايه
لما بايع يضطهدني وييشكك فيه عشان بس أنا منقبه يبقى ايه
وياما مواقف بنمر بيها كل يوم لمجرد اني بحفظ نفسي عشان ان شاء الله ربنا يكرمني بزوج معرفش بنت قبلي بس لأسف مظنش ﻹتي هلاقيه في البللد ديه
صدقوني انا بعاني يوميا بسبب اني محترمه يوميا بسبب احتكاكي بالناس
آسفه ع الاطاله بس كانوا كلمتين تاعبني
(طبعا الشتيمه مش هلاحق عليها لمجرد أني منقبه)