مشاكل التعارف والحب والعلاقات العاطفيه

انا كنت بحب انسان والموضوع بينا كان واخد شكل رسمي وحصل بينا مشاكل وفي مرة حصل بنا مشكلة وبعدنا عن بعض 10 ايام ولما رجعت انا كلمته زلني بمعني الزل عارفين يعني ايه تتحايلي علي انسان عشان ميبعدش عنك قولتله اديني فرصة اصلح المشاكل ونبدا صفحة جديدة وكنت بعيط عارفين يعني ايه معملتش حساب لكرامتي ولا لاي حاجة كنت مستعدة اعمل اي حاجة عشان منبعدش عن بعض مع العلم ان مش لوحدي الي غلطانة هو غلط فيا جامد وانا كان رد فعلي اني حذفته من ع الفيس ورجعت واعتذرت وحاولت كتير وهو كان رده عليا بارد اوي كان رافض تماما وقرر انه يسبني سيبته وتاني يوم قولت لا انا لازم اتكلم تاني وتالت ورابع مش هتنازل عن حبي كدة بسهولة كلمته واتحايلت كتير واتكلمت كتير اوي ع الفيس وشاف كل دة بقي يقرا سطر سطر وميردش قولتله رد عليا الله يخليك انا بموت ومش قادرة استغني عنك انا بموت من غيرك كلام كتير اوي قولته دة لو انسان معندوش قلب كنت صعبت عليه ورد عليا كسرني واهاني وجاب كرمتي الارض سيبته وقعدت اعيط كنت منهارة مكنتش مصدقة انه بالقسوة دي كل حاجة كانت وجعاني انه قرر يبعد بالسهولة دي وكرامتي الي اتهانت وشكلي وزلي ليه .. لقيت نفسي بدون ما احس بعت له رسالة هزقته فيها وعرفته مقامه انا مشتمتوش ولا قولت كلام سافل لكن هزقته بالذوق وقولتله انه مش راجل كلامي كان جارح اوي لاني عايرته بحاجات فيه فعلا بس انا كنت قاصدة اجرحه زي ما جرحني وبعدها عملته حظر .. بعد كدة اضايقت من نفسي لاني مش كدة وعمري ما كنت كدة ولا عمري غلط في حد حتي لو ظلمني بس انا يا جماعة كنت عاملة زي الفرخة المدبوحة ماشية بخبط في اي حاجة ومش عارفة انا بعمل ايه بعدها بفطرة عرفت انه رجع لخطيبته الاولي وعرفت ليه هو كان قاسي كدة معايا لانه فعلا كان رجعلها اثناء الفترة الي كنا فيها مبنتكلمش .. برغم دة كله لسة بحبه ومش قادرة انساه الموضوع انتهي خلاص ومينعش طبعا خلاص بس انا نفسي يندم لان انا معملتش فيه حاجة وحشة عشان يظلمني بالشكل دة .. انا عارفة ومتاكدة انه ربنا هيردهاله وان خطبته دي هطلع عينه وهطلع فيه كل الي كان عامله فيا وهيتظلم زي ماظلمني .. بس انا نفسي يجيلي ويعرف قيمتي تفتكروا بعد رسالتي دي ممكن يندم عليا بس هو عارف ومتاكد ان دة كان غصب عني لانه اهاني بجد وجرح كرامتي متتصوروش رده عليا كان قاسي قد ايه كان بيشخط فيا عشان اقفل وانا بعيط وبتحايل عليه حاجة صعبة اوي بجد بالذات جرح الكرامة .. انا بسال الشباب ممكن تندم علي انسانة غلطت فيك وانت عارف انها انسانة كويسة لكن هي عملت كدة من غلبها وانك فعلا ظلمتها

بعد اذنكم بلاش غلط وكلام جارح لان الي بيبعت مشكلة دة بيبقي فيه الي مكفيه والدنيا كلها بتبقي جاية عليه ولما فكر انه يبعتلكم بيبقي نفسه يلاقي كلمة تريحه او تهديه علي الاقل متبقوش انتم والدنيا عليه كلنا بني ادمين وكلنا بنغلط وكلنا في يوم من الايام هنبقي محتاجين نصيحة وكلمة حلوة ...