ياريت تاخدوا كلامى جد واللى يقدر يفيدنى بحل او يساعدنى يقوله واللى عاوز
يستظرف او يهرج او يشكك فى كلامى ويستنتج تفاصيل مالهاش وجود ياريت يتقى
الله ويوفر على نفسه ذنوب
انا اتعرفت على شاب من فترة وجه البيت واتقدملى وقرينا فاتحة ، وبعدها بدأت تجيلى رسائل على موبايلى تقولى انه حرامى وكان مسجون بسبب سرقة قبل كده ولسه خارج من كام شهر ، وان والده برضه رد سجون من زمان وانه خطبنى بس عشان يستغلنى عشان انا يتيمة أب وأم وماليش حد يقفله وهيتجوزنى ومش هيصرف حتى عليا ، ولما رحت واجهته ، ضربنى وسرق دهبى واتهجم عليا ولولا انى فضلت اصرخ واصوت كان اغتصبنى ، لكن خاف من الفضيحة وطردنى وانا كان كل همى ساعتها انى اجرى واحافظ على نفسى قبل ما يأذينى كبنت ومفكرتش فى الدهب اللى سرقه منى . ولما فقت من الصدمة بعدها بكام يوم واستجمعت شجاعتى كلمته عشان يرجعلى الدهب قالى انه رهنه عشان مديون وطلب مبلغ كبير عشان يفك الرهن ويرجعلى دهبى وكان بيطاردنى فى التليفون وطبعاً عشان ياخد المبلغ بالأضافة للدهب ولما ملقاش فايدة منى بطل يتصل ، وبعدها انا سألت محامى اذا عملت فيه محضر هل هيجيب نتيجة ويرجعلى حقى اذا كان باع الدهب ، فسألنى اذا كان فى شهود فقلتله لأ ، فقالى يبقى المحضر زى قلته ولا هيقدروا يعملوا معاه حاجة لأن مفيش اثبات وان الشرطة مابقتش زى الأول ومش هينوبنى حاجة لو بلغت عنه غير بهدلتى انا وسخافة الظباط ، فطلبت منه انه يكلمه بصفته محامى ويهدده ويوهمه اننا ممكن نجيب شهود ونحبسه فقالى طيب واخد رقم تليفونه وفضل يماطل فيا اسبوع ومايردش على تليفونى وبعدها رد وقالى انه فهم من وصفى للدهب انه بــ 5000 ج وانه عاوز 2000 جنيه اتعاب ونصفهم مقدم ، فقلتله 2000 ج على مكالمة تليفون طب ماانا ممكن اخلى اى حد فى الشارع يكلمه ويقوله الكلمتين دول وبعدين هديك 1000 ج مقدماً هو انا لسه شفت حاجة لما ترجعلى دهبى خد اتعابك وشديت معاه فى الكلام وحسيت انه بيستعبط وبيستغلنى وقفلت على الموضوع .
وبعدها حاولت اتصل بللى كان خطيبى ده تانى لقيته غير ر قم موبايله
فرحت لوالده فى الشغل اشتكيله وكان عنده ناس فضل يستعبط ويمطوح ومطنشنى ولا مدينى فرصة اكلمه ولا كأنى قاعدة ويعمل نفسه بيتكلم مع الناس وحسيت انه عارف كل حاجة وبيستعبط وبعدين خرج دقيقة وبعدها لقيت اللى كان خطيبى ده جاى جرى ووشه مخضوض يعنى ابوه كلمه وجابه ولقيته بيقولى فيه ايه جاية ليه وشبه طردنى من غير ما افتح بقى بحرف ومانابنى غير كسفتى قدام الناس .
ومن بعدها كنت بتابع اخباره من بعيد عرفت انه بيقعد فى البيت ساعات قليلة ويغيب كتير عن البيت وعن شغله مع والده وطبعاً اكيد من كتر مصايبه بيحاول مايظهرش كتير
انا من ساعتها مخنوقة قوى حاسة انى لوحدى فى الدنيا لا ليا اب ولا ام ولا سند ولا حد يقفلى ويجبلى حقى ، وحاسة انى اضربت قلم سخن على وشى من واحد حقير وحرامى هو واهله ومش عارفة اخد حقى ولا ارجع حقى حتى المحامى طلع نصاب هو كمان وكان عاوز يسرقنى يعنى حاميها حراميها ... صحيح اللى مالوش اب ولا ام ضايع فى الدنيا ، ياريت تعرفوا قيمة اهاليكم عشان لو حد منكم عنده اهله عايشين وحصله الموقف اللى حصلى كانوا عرفوا يجيبوله حقه ، لكن انا بنت ويتيمة وماليش سند يقف فى ضهرى يحمينى ويجبلى حقى .. قولولى اعمل ايه بس ياريت نصايح عمليه وبلاش افلام الأكشن اللى بتردوا بيها دى ساعات وبلاش الناس اللى بتصطاد فى المياة العكرة وتقول كلمينى عشان فاكر انى بنت ويتيمة وممكن يستغلنى هو كمان ... اتقوا الله فى ردودكم ونواياكم وقولولى اعمل ايه ؟
انا اتعرفت على شاب من فترة وجه البيت واتقدملى وقرينا فاتحة ، وبعدها بدأت تجيلى رسائل على موبايلى تقولى انه حرامى وكان مسجون بسبب سرقة قبل كده ولسه خارج من كام شهر ، وان والده برضه رد سجون من زمان وانه خطبنى بس عشان يستغلنى عشان انا يتيمة أب وأم وماليش حد يقفله وهيتجوزنى ومش هيصرف حتى عليا ، ولما رحت واجهته ، ضربنى وسرق دهبى واتهجم عليا ولولا انى فضلت اصرخ واصوت كان اغتصبنى ، لكن خاف من الفضيحة وطردنى وانا كان كل همى ساعتها انى اجرى واحافظ على نفسى قبل ما يأذينى كبنت ومفكرتش فى الدهب اللى سرقه منى . ولما فقت من الصدمة بعدها بكام يوم واستجمعت شجاعتى كلمته عشان يرجعلى الدهب قالى انه رهنه عشان مديون وطلب مبلغ كبير عشان يفك الرهن ويرجعلى دهبى وكان بيطاردنى فى التليفون وطبعاً عشان ياخد المبلغ بالأضافة للدهب ولما ملقاش فايدة منى بطل يتصل ، وبعدها انا سألت محامى اذا عملت فيه محضر هل هيجيب نتيجة ويرجعلى حقى اذا كان باع الدهب ، فسألنى اذا كان فى شهود فقلتله لأ ، فقالى يبقى المحضر زى قلته ولا هيقدروا يعملوا معاه حاجة لأن مفيش اثبات وان الشرطة مابقتش زى الأول ومش هينوبنى حاجة لو بلغت عنه غير بهدلتى انا وسخافة الظباط ، فطلبت منه انه يكلمه بصفته محامى ويهدده ويوهمه اننا ممكن نجيب شهود ونحبسه فقالى طيب واخد رقم تليفونه وفضل يماطل فيا اسبوع ومايردش على تليفونى وبعدها رد وقالى انه فهم من وصفى للدهب انه بــ 5000 ج وانه عاوز 2000 جنيه اتعاب ونصفهم مقدم ، فقلتله 2000 ج على مكالمة تليفون طب ماانا ممكن اخلى اى حد فى الشارع يكلمه ويقوله الكلمتين دول وبعدين هديك 1000 ج مقدماً هو انا لسه شفت حاجة لما ترجعلى دهبى خد اتعابك وشديت معاه فى الكلام وحسيت انه بيستعبط وبيستغلنى وقفلت على الموضوع .
وبعدها حاولت اتصل بللى كان خطيبى ده تانى لقيته غير ر قم موبايله
فرحت لوالده فى الشغل اشتكيله وكان عنده ناس فضل يستعبط ويمطوح ومطنشنى ولا مدينى فرصة اكلمه ولا كأنى قاعدة ويعمل نفسه بيتكلم مع الناس وحسيت انه عارف كل حاجة وبيستعبط وبعدين خرج دقيقة وبعدها لقيت اللى كان خطيبى ده جاى جرى ووشه مخضوض يعنى ابوه كلمه وجابه ولقيته بيقولى فيه ايه جاية ليه وشبه طردنى من غير ما افتح بقى بحرف ومانابنى غير كسفتى قدام الناس .
ومن بعدها كنت بتابع اخباره من بعيد عرفت انه بيقعد فى البيت ساعات قليلة ويغيب كتير عن البيت وعن شغله مع والده وطبعاً اكيد من كتر مصايبه بيحاول مايظهرش كتير
انا من ساعتها مخنوقة قوى حاسة انى لوحدى فى الدنيا لا ليا اب ولا ام ولا سند ولا حد يقفلى ويجبلى حقى ، وحاسة انى اضربت قلم سخن على وشى من واحد حقير وحرامى هو واهله ومش عارفة اخد حقى ولا ارجع حقى حتى المحامى طلع نصاب هو كمان وكان عاوز يسرقنى يعنى حاميها حراميها ... صحيح اللى مالوش اب ولا ام ضايع فى الدنيا ، ياريت تعرفوا قيمة اهاليكم عشان لو حد منكم عنده اهله عايشين وحصله الموقف اللى حصلى كانوا عرفوا يجيبوله حقه ، لكن انا بنت ويتيمة وماليش سند يقف فى ضهرى يحمينى ويجبلى حقى .. قولولى اعمل ايه بس ياريت نصايح عمليه وبلاش افلام الأكشن اللى بتردوا بيها دى ساعات وبلاش الناس اللى بتصطاد فى المياة العكرة وتقول كلمينى عشان فاكر انى بنت ويتيمة وممكن يستغلنى هو كمان ... اتقوا الله فى ردودكم ونواياكم وقولولى اعمل ايه ؟
