انا اتجوزت انسان و كان زميلى فى الشغل و كان ارتباطنا عن حب و اقتناع اننا
مناسبين لبعض جدا و فى فتﻻة الخطوبة اكتشفت انه بيكلم واحدة كان مرتبط
بيها ايام الكلية المهم حصل مشكلة و وعدنى انه هيقطع علاقته بيها و فعلا
عدت فترة الخطوبة و بعدت عنه و بعد الجواز بكام شهر اكتشفت انها بتتصل به
على الموبايل ..طبعا الموضوع استفزنى لكن قلت مش هعمل مشاكل مع زوجى و فى
مرة كلمتها و اكتشفت انها اتجوزت لكن عندها مشاكل مع جوزها و بتكلم جوزى
تستشيره !!!! طبعا قولتلها بلاش تتصلى به تانى و هددتها انى هوصل ﻷرقام
اهلها و اعملها مشاكل..و فضلت تتصل به و للاسف هو كمان تقريبا حن للماضى و
اكتشفت ان بينهم رسايل موبايل و تشات و فى منهم غير محترم...للاسف بدأ يحصل
مشاكل بينى و بين جوزى كتير جدا بسبب الموضوع دا و انا مش غايزة اخرب بيتى
و حاسة بصراع بين حبى له و كرامتي ﻷنه بيحبها...انا فى المشاكل دى اكتر من
5 سنين و كل ما يوعدنى انه مش هيكلمها اكتشف انه بيكلمها تنصحونى بأيه
