أنا فتاه عندي 21 سنه متجوزه من سنه ونص

وطالبه في الجامعه انا قررت اطلب الطلاق أولا مهما اتكلمت مع أي حد محدش فعلا بيحس بحد ويمكن لأن أسبابي أغلبها مبتتقالش بس انا هحاول بابا انفصل عن ماما وانا عندي 9سنين مش هدين بابا ولا ماما بحاجه كل ال هقوله انهم بعد اما انفصلوا مفكروش فيا بابا مبيسألش عني ماما عمري ماهنسي فضلها علياكانت بتشتغل وهي ال صرفت عليا وللنهارده هي الوحيده ال بتجبلي طلباتي هي فعلا بتعيرني كتير واهلها ياما عيروني بالنقطه دي كنت اما بشتري حاجه بتزل بتمنها انا كنت لوحدي مليش اخوات من الأم كان نفسي احس اني موجوده بس كنت دايما واثقه أن ربنا هيبعتلي زوج هيبقي في بيني وبينه حياه مش طلبه اكتر من كدا نتكلم مع بعض افتحلوا قلبي نتخانق نتصالح نخرج نتمشي كنت خايفه اوي اتجوزت ابن خالي من يوم متخطبتله للنهارده وانا محستش مره ان في حد في حياتي،مفيش بيني وبينه حياه عمره محسسني أني بنت عمره مقالي وحشتيني ولا حتي حسيتها منه طلبت منه كتير اوي انه يتكلم معايا يقولي كلمه حلوه ومفيس فايده وعدني من ايام الخطوبه انه هيتغير وقولتله وللكل انا مش هستحمل اعيش معاه كدا الكل وعدني ودلوقتي الكل بيستهزء بيا هوحرام ان احس ان انا وجوزي واحد عمره مخرجني عمره مفكر يجبلي حاجه في حاجات كتير خاصه بنا متتقلش عمرنا متكلمنا مع بعض واحنا قريبين انا بجد مش قادره اوصف حاجه محدش يقول مسبتهوش ليه من الخطوبه عشان حصل مشاكل كتير انا موجهتهاش وبدفع تمنها دلوقتي انا عايزه اطلق منه بس عايزه ادفعه التمن انا لوطلبت الطلاق هيضربني وخالاتي هيضربوني ويرجعوني ليه وعلي فكره هو مبيصليش وانا متجوزها علي اساس انه هيكمل كليه بقالوا 8 سنين فيها ويقعد من الشغل شهر الأمتجانات وميروحش الأمتحان أنا نفسي قبل مااجيب ولا عالدنيا يعيشوا حياه طبيعيه يابلاش أرجوك محدش يقولي اصبري او استحملي عشان ربنا لا يكلف نفسا الا وسعها هو فاشل في كل حاجه في حياته وانا مقدرش أكمل مع واحد مبحترموش حتي لو بيني وبين نفسي