انا شاب عندي 25 سنة زي اي شاب بيحلم بالإستقرار
حبيت واحدة من 6 سنين كانت زميلتي في الجامعة
فضلت سنتين بحبها من بعيد من غير ما تعرف حاجة مفيش غير صحابي اللي كانوا عارفين بس
حبيتها من قبل ما اعرف اسمها ولا هي منين ولا مين اهلها
المهم بعد حاجات كتير حصلت في السنتين مفيش داعي لذكرها اعترفتلها بحبي واتقربنا جدا وبقينا بنتكلم كل يوم ومن وقت للتاني كنا بنتقابل في اماكن عامة
قعدت سنة كاملة بحاول اخرجها من تجربة مرت بيها أثرت عليها عاطفيا
وبعد سنة ابتدت تحس بيا وتحبني
حصلت ما بينا مشكلة وابن عمها اتدخل في الموضوع بحكم انه صاحبي عشان يحلها بس بدل ما يحلها عقدها وبعدنا عن بعض تقريبا لمدة 3 شهور
في ال3 شهور دول اتعرفت على واحدة تانية وحبتني بس انا مكنتش ببادلها الشعور دة خالص
والغريب ان ابن عم الأولانية شجعني اني اقابل امها وفعلا قابلتها ومن شكل المقابلة حسيت اني فاضل 5 دقايق وكنت هقرأ فاتحة
بس الحمد لله الموضوع عدا على خير
حصل بعدها ان في واحدة صاحبة الأولانية كلمتني وقالتلي انها عاوزاني في موضوع وادتني رقم تليفونها وكلمتها عشان اعرف في ايه
اتكلمنا ورجعنا أنا والبنت اللي حبتها بعد ما عرفت اللي عمله ابن عمها وانه حاول يفرق بيني وبينها
المهم رجعنا وهو معرفش والحمد لله حياتنا كانت ماشية تمام وخلاص كان فاضل شهرين واخلص امتحانات واروح اتقدم ليها
حصل في اخر اسبوع ان باباها تعب ودخل المستشفى وعمل عملية كات صعبة شوية بس الحمد لله عدت على خير
في الفترة اللي بعد العملية ابتدى كلامنا يقل واحدة واحدة لغابة ما قطعت خلصت فين وفين لما بترد عليا
مرة واحدة لقيتها بتكلمني وبتقولي ان في واحد متقدملها وانها مش هتقدر ترفض عشان باباها تعبان ومتقدرش ترفضله كلمة انا استغربت من الكلمة الصراحة
واتخطبت دلوقتي بقالها 6 شهور
انا دلوقتي بعرف اخبارها من صاحبتها لأني مش قادر أنساها وصاحبتها بتوصلنا ببعض لأنها مينفعش تكلمني
ودلوقتي في مشاكل حاصلة ما بينها وبين خطيبها واحتمال الخطوبة تتفركش
انا دلوقتي لسة بحبها ومش قادر أنساها وبحلم بيها كل يوم تقريبا وفي ايام بحلم بيها مرتين في اليوم الواحد
انا دلوقتي مش عارف افضل على موقفي وارجعلها واتقدملها لو الخطوبة اتفركشت ولا خلاص كدة ابعد عنها
مع العلم انها لسة بتحبني على حسب كلام صاحبتها
حبيت واحدة من 6 سنين كانت زميلتي في الجامعة
فضلت سنتين بحبها من بعيد من غير ما تعرف حاجة مفيش غير صحابي اللي كانوا عارفين بس
حبيتها من قبل ما اعرف اسمها ولا هي منين ولا مين اهلها
المهم بعد حاجات كتير حصلت في السنتين مفيش داعي لذكرها اعترفتلها بحبي واتقربنا جدا وبقينا بنتكلم كل يوم ومن وقت للتاني كنا بنتقابل في اماكن عامة
قعدت سنة كاملة بحاول اخرجها من تجربة مرت بيها أثرت عليها عاطفيا
وبعد سنة ابتدت تحس بيا وتحبني
حصلت ما بينا مشكلة وابن عمها اتدخل في الموضوع بحكم انه صاحبي عشان يحلها بس بدل ما يحلها عقدها وبعدنا عن بعض تقريبا لمدة 3 شهور
في ال3 شهور دول اتعرفت على واحدة تانية وحبتني بس انا مكنتش ببادلها الشعور دة خالص
والغريب ان ابن عم الأولانية شجعني اني اقابل امها وفعلا قابلتها ومن شكل المقابلة حسيت اني فاضل 5 دقايق وكنت هقرأ فاتحة
بس الحمد لله الموضوع عدا على خير
حصل بعدها ان في واحدة صاحبة الأولانية كلمتني وقالتلي انها عاوزاني في موضوع وادتني رقم تليفونها وكلمتها عشان اعرف في ايه
اتكلمنا ورجعنا أنا والبنت اللي حبتها بعد ما عرفت اللي عمله ابن عمها وانه حاول يفرق بيني وبينها
المهم رجعنا وهو معرفش والحمد لله حياتنا كانت ماشية تمام وخلاص كان فاضل شهرين واخلص امتحانات واروح اتقدم ليها
حصل في اخر اسبوع ان باباها تعب ودخل المستشفى وعمل عملية كات صعبة شوية بس الحمد لله عدت على خير
في الفترة اللي بعد العملية ابتدى كلامنا يقل واحدة واحدة لغابة ما قطعت خلصت فين وفين لما بترد عليا
مرة واحدة لقيتها بتكلمني وبتقولي ان في واحد متقدملها وانها مش هتقدر ترفض عشان باباها تعبان ومتقدرش ترفضله كلمة انا استغربت من الكلمة الصراحة
واتخطبت دلوقتي بقالها 6 شهور
انا دلوقتي بعرف اخبارها من صاحبتها لأني مش قادر أنساها وصاحبتها بتوصلنا ببعض لأنها مينفعش تكلمني
ودلوقتي في مشاكل حاصلة ما بينها وبين خطيبها واحتمال الخطوبة تتفركش
انا دلوقتي لسة بحبها ومش قادر أنساها وبحلم بيها كل يوم تقريبا وفي ايام بحلم بيها مرتين في اليوم الواحد
انا دلوقتي مش عارف افضل على موقفي وارجعلها واتقدملها لو الخطوبة اتفركشت ولا خلاص كدة ابعد عنها
مع العلم انها لسة بتحبني على حسب كلام صاحبتها
