مش عارفة اعمل ايه...الموضوع ده مموتنى

انا مهندسة مصرية المانية...بابا مصري و ماما الله يرحمها المانية ...عندى 32 سنه...و ليا اخت اصغر منى ب 3 سنين...متجوزة ابن اخت بابا...و عندها منه 3 اولاد...جوزها اصغر منى بسنة و انا بعامله زى اخويا بالضبط...و هو بيعتبر بابا الاب الروحى ليه و بيحبه جدا.
من حوالى سنة كنت انا مخطوبة لشاب مصري نمساوى ابن شريك بابا ..ووافقت ع الخطوبة بعد ضغط علشان انا سنى كبر...المهم كانت خطوبة عادية جدا جدا ...بعد الخطوبة بحوالى شهرين كنت مسافرة من فرانكفورت لبلد تانية فكنت رايحة اركب القطر...لمحت اختى فى المحطة و هى بتقابل خطيبى ...و المقابلة كانت مقابلة 2 عشاااااق...و انا كنت متخيلة انى بحلم...المهم مشيت وراهم و خرجوا من المحطة و راحوا دخلوا فندق صغير ...طبعا واضح ليه.
المهم اتصلت باختى قالتلى انها فى مشوار و اتصلت بالاستاذ خطيبي قافل تليفونه.
روحا بعدها قولتله بكل هدوووء انا هفسخ الخطوبة و بدون اسباب...فارتبك لانه حس انى عارفة حاجة...بعدها اختى جت تكلمنى و تحاول تعرف اذا كنت انا عرفت حاجة و لا لا...فضلت تعصبنى لحد ما زعقت معاها و قولتلها انى عارفة ...فبكل وقاحة ردت و قالتلى هو اصلا جه يخطبك عشانى...المهم الاخ كان راح لبابا و قاله انى فسحت الخطوبة... و بابا اتصل بيا و بهدلنى و انا مش راضية اقوله السبب ...لانى لو قلت هيكدبنى...و يقولى انتى عايزة تخربي بيت اختك..و لو صدقنى و اتاكد من الموضوع والله هيموتها...انا عاملة فيها انى مجنونة و مقاطعة الناس اللى حواليا...و عايشة لوحدى و عمالة اسافر من دولة لدولة عشان شغلى...بابا مقاطعنى و انا مقاطعة اختى ...لدرجة انى معرفتش ان ماما الله يرحمها ماتت غير بعدها باسبوع...مش عارفة اعمل ايه...الموضوع ده مموتنى...خصوصا ان انا مظلومة غيه و هما بيدعوا البراءة.اسفة على الاطالة